Dis altyd spitstyd!

Travel (Reis) 2 Minutes

Ek het vantevore al met julle gedeel dat New York ‘n 24/7/365 stad is wat nooit slaap nie. Vir ‘n Suid-Afrikaner wat van die platteland af kom, sal dit een groot nagmerrie wees om in Amerika te ry. Die stede se verkeer raak nooit stil nie. Die snelweë buite die stad is egter meer rustig.

In Houston, Texas het ek egter ‘n volmaakte oplossing gesien vir ons eie Kaapstad se nagmerrie, met hopeloos te min deurpaaie en ringpaaie rondom die stad. Moenie ‘n fout maak nie, Houston se verkeer is vir my as Kapenaar, wat gewoond is om Johannesburg en Pretoria se hoofpaaie in spitstyd aan te durf, steeds ‘n doolhof van uiterstes.

Onlangs was daar groot polemiek oor Sanral se voorneme om die N1 in die Noordelike Voorstede in ‘n tolpad te verander. Ek was nog nooit ‘n voorstaander van hierdie voorstel nie, totdat ek dié droom van ‘n tolpad in Houston gesien het.

Sekerlik almal van ons weet dat die Kapenaars vir een of ander rede dink hulle is in Europa of die VSA, deurdat hul die regterbaan oorgeneem het en dit geensins meer die vinnige baan genoem kan word nie. Deesdae is dit niks snaaks om motoriste te sien wat dit waag om in die linkerbaan verby te steek nie. Hiervoor moet ook dringend ‘n oplossing gevind word en dit is waar die ‘Houston’ model fantasties sal werk. In ag geneem dat daar huidiglik tussen die Plattekloof- en Old Oak wisselaar gewerk word, sal dit die ideale tyd wees om so ‘n tolpad in te stel om ons verkeer soveel makliker te laat vloei.

Aangesien die Yanks aan die regterkant van die pad ry, is die heel linkerbaan die vinnige baan. Hierdie baan word geskei van die ander bane, deur betonblokke, soortgelyk aan die wat met die padwerke op die N1 gebruik word. Hierdie baan is egter onderworpe aan tolgeld.  Die vinnige motoris wat nie kans sien vir die stadige slakkepas verkeer nie en nie omgee om vir sy plesier van vinnig ry, te betaal nie, gly met gemak in hierdie baan in. Voor elke afrit is daar vir hom geleentheid om weer terug te gly in die verkeer in om hom in staat te stel om die afrit te kan bereik. Dit is opmerklik hoeveel vinniger die verkeer as gevolg hiervan vloei.

In Los Angeles betaal jy ook ekstra indien daar minder as twee passasiers in die voertuig is.

Ek sal glad nie omgee om vir hierdie voorreg te betaal nie. Hoe lyk dit Sanral – wanneer kan ek die C250 AMG  in die vinnige baan in stoot?

Published by Nerina

Although I am the CEO of a Guest Apartment Business in the Northern Suburbs of Cape Town, South Africa, I am also a transformer as well as an author. My ministry, Women on the Move for Christ minister all over the country in small, poor and disadvantaged communities, transformation women's lives to live an abundant life in Christ. I love to do this for the Lord Jesus Christ, who I confess as my personal Saviour. I am married to Pieter, a property investor and have FOUR children, my son Pieter and his wife Jolandi, as well as my daughter Arlene with her husband, Anton Brink. I am also the proud grandma of Lehan and Leri, Arlene and Anton's kids, as well Nina-Arlene and Dawid, Pieter and Jolandi's children. It's my passion to help women to reach their potential in life and give them the opportunity to reach for their dreams. Therefore I love to write, especially about women and their how they survived, despite circumstances. I published my first book in 2016, titled "Reis na Oorwinning", written in Afrikaans, my home language. Because of the enormous costs involved in publishing, I started a blog, with an English version of this book - "The odd​-one-out", becoming successful despite disabilities. My other passion is to give people life skills to start their own businesses to earn an income for themselves. The second blog is "StreetwisevsBusinessClever" in which I give people advice, how to start their own business, what pitfalls to look out, ect. ‘Reismal’ - is a blog in Afrikaans, about travelling and all the adventure, fun and everyday life in countries all over the world. Enjoy it!!

Published